சென்னை முகப்பேர் பகுதியை சேர்ந்தவர் பாலமுருகன். இவரிடம் பாலகுமரன் என்பவர் அறிமுகமாகி, தன்னிடம் முதலீடு செய்தால் அதிக லாப‌ம் ஈட்டலாம் என ஆசை வார்த்தை கூறியுள்ளார். இதை நம்பிய பாலமுருகனும் அவரது நண்பர்களும், பணத்தை முதலீடு செய்துள்ளனர். முதல் 6 மாதங்கள் முறையாக வட்டியை பாலகுமரன் கொடுத்த‌தால், மேலும் பலர் ஒரு கோடிக்கும் மேல் கொடுத்துள்ளனர். அதன்பின்னர் பாலகுமரன் தலைமறைவானதால், பாதிக்கப்பட்ட பாலமுருகன் உள்ளிட்டோர் விசாரித்துள்ளனர். அப்போது, பாலமுருகன் எம்.எல்.எம். நிறுவனத்தின் இயக்குநராக பணியாற்றி வந்த‌தும், பலரிடம் 7 கோடி ரூபாய் வரை ஏமாற்றியதும் தெரிய வந்துள்ளது. இது தொடர்பாக புகார் அளிக்கப்பட்டு விசாரணையும் நடைபெற்று வருவது தெரிந்த‌தால், பாதிக்கப்பட்ட பெண்ணின் ஆடியோவுடன் சேர்த்து சென்னை காவல் ஆணையர் அலுவலகத்தில் பாலமுருகன் புகார் அளித்துள்ளார்