செய்தியாளர்களை சந்தித்த சுகாதாரத்துறை அமைச்சர் விஜயபாஸ்கர் , தமிழ்நாடு அரசு மருத்துவர்கள் சங்கம் அங்கீகரிக்கப்பட்ட சங்கம் என்றும், 90 சதவீத அரசு மருத்துவர்கள் அந்த சங்கத்தில் உள்ளதாகவும் கூறினார். கோரிக்கைளை பரிசீலிப்பதாக உறுதியளித்ததையடுத்து அந்த சங்கத்தினர் இன்று அறிவித்திருந்த போராட்டத்தை தள்ளி வைத்திருப்பதாக அமைச்சர் கூறினார். ஏற்கனவே உண்ணாவிரதம் உள்ளிட்ட போராட்டங்களில் ஈடுபட்டுள்ள மற்ற அரசு மருத்துவர்களும் நோயாளிகளின் நலன் கருதி உடனடியாக பணிக்கு திரும்ப வேண்டும் என்றும் சுகாதாரத்துறை அமைச்சர் விஜய பாஸ்கர் கேட்டு கொண்டார்.