நெல்லை மாவட்டம் மணிமுத்தாறு முதல் மாஞ்சோலை புதுரோடு வரையிலான சாலை பணிகள் நடைபெறுவதால் இன்று முதல் ஒரு வாரத்திற்கு போக்குவரத்து தடை செய்யப்பட்டுள்ளது. அரசு பேருந்துகள் முதல் அனைத்து வாகனங்களும் மாஞ்சோலைக்கு செல்ல தடை விதிக்கப்பட்டுள்ளதால் பால், காய்கறிகள் உள்ளிட்ட அத்தியாவசிய பொருட்கள் கொண்டு செல்ல முடியாத நிலை ஏற்பட்டுள்ளது. எனவே சாலைப் பணிகளை போர்க்கால அடிப்படையில் முடித்து போக்குவரத்தை தொடங்க வேண்டுமென, அப்பகுதி மக்கள் கோரிக்கை விடுத்துள்ளனர்.