ஸ்ரீராம் பாரதி கலை இலக்கிய கழகம் சார்பில் பாரதியாரின் 137வது பிறந்த நாள் விழா சென்னை தியாகராய நகரில் உள்ள கிருஷ்ண கான சபாவில் நடைபெற்றது. இதில் அமைச்சர் மாஃபா பாண்டியராஜன் கலந்துகொண்டு பேசினார். முன்னதாக பாரதியார் புகழை பரப்பி வரும் 3 பேருக்கு விருது வழங்கி சிறப்பித்தார். நிகழ்ச்சிக்கு பிறகு செய்தியாளர்களை சந்தித்த மாஃபா பாண்டியராஜன், மத்திய அரசின் இடைக்கால நிதிநிலை அறிக்கையை, தேர்தல் நேர பட்ஜெட் என கொச்சைப்படுத்த விரும்பவில்லை எனவும், பொருளாதார வல்லுனர்கள் குறை கூற முடியாத பட்ஜெட் என்றும் தெரிவித்தார்.