தூத்துக்குடி மாவட்டம் குளத்தூர் - சுப்பிரமணியபுரம் கிராமத்தை சேர்ந்த மாரியப்பன் என்ற இளைஞரும், அப்பகுதியை சேர்ந்த பெண்ணும் காதலித்து வந்ததாக கூறப்படுகிறது. இருவரின் காதல் விவகாரம் தெரிந்த நிலையில், பெண் வீட்டார் வேறொரு இடத்தில் திருமண ஏற்பாடுகள் செய்ததாகவும், நாளை திருமணம் நடைபெற உள்ளதாகவும் கூறப்படுகிறது. இந்நிலையில் கோவையில் பணிபுரிந்து வந்த மாரியப்பன், விளாத்திகுளம் அருகே கழுத்து மற்றும் மார்பு பகுதியில் காயங்களுடன் மர்மமான முறையில் சடலமாக கிடந்துள்ளார். தகவலறிந்து சென்ற போலீசார், மாரியப்பனின் உடலை மீட்டு பிரேத பரிசோதனைக்கு அனுப்பி வைத்தனர். மேலும் காதலியின் குடும்பத்தினர்தான் இளைஞர் கொலை செய்யப்பட காரணமா என்ற கோணத்தில் போலீசார் விசாரித்து வருகின்றனர்.