தூத்துக்குடி அருகே ஆம்னி பேருந்து ஒன்று, தண்ணீர் லாரி மீது மோதிய விபத்தில் ஒருவர் உயிரிழந்துள்ளார். ஆறு பயணிகள் படுகாயம் அடைந்துள்ளனர்.

பெங்களூரில் இருந்து திருச்செந்தூர் நோக்கி சென்ற ஆம்னி பேருந்து, தூத்துக்குடி எட்டையபுரம் கட்டுபாட்டை இழந்து முன்னால் சென்ற லாரியின் மீது பயங்கரமாக மோதியுள்ளது.

இதில், ஆம்னி பேருந்தின் முன்பக்கம் முழுவதும் சேதமடைந்து, ஒருவர் பரிதாபமாக உயிரிழந்தார்.

மேலும் 6 பேர் படுகாயம் அடைந்து தூத்துக்குடி அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டுள்ளனர்.

இந்த விபத்து தொடர்பாக ஆம்னி பேருந்தை இயக்கி வந்த ஓட்டுநரை போலீசார் கைது செய்து விசாரணை நடத்தி வருகின்றனர்.

அந்த விபத்தால் மதுரை-தூத்துக்குடி தேசிய நெடுஞ்சாலையில் சிறிது நேரம் போக்குவரத்து பாதிப்பு ஏற்பட்டது.