திமுக தலைவர் கருணாநிதி அனுமதிக்கப்பட்டுள்ள காவேரி மருத்துவமனை பகுதியில் பலத்த போலீஸ் பாதுகாப்பு போடப்பட்டுள்ளது. அந்த பகுதியில் வாகன போக்குவரத்து மாற்றம் செய்யப்பட்டுள்ள நிலையில், பாதுகாப்பு ஏற்பாடுகள் குறித்து சென்னை மாநகர காவல்துறை அதிகாரிகளுடன் காவல் ஆணையர் ஏ.கே.விஸ்வநாதன் ஆலோசனை நடத்தினார். இந்த கூட்டத்தில் சென்னையில் உள்ள 4 காவல் மாவட்டத்தை சேர்ந்த 12 துணை ஆணையர்கள் கலந்துகொண்டனர்.