திருவண்ணாமலை அண்ணாமலையார் கோயிலில், பஞ்ச மூர்த்திகளின் மகா ரத தேரோட்டத்தை முன்னிட்டு, தேர்களில் கலசங்கள் பொருத்தப்பட்டது. அண்ணாமலையார் கோயில் கார்த்திகை திருவிழாவின் முக்கிய நிகழ்வுகளில் ஒன்றான, பஞ்ச மூர்த்திகளின் மகா ரத தேரோட்டம் வரும் 23 ஆம் தேதி நடைபெறவுள்ளது. இதனையொட்டி, பஞ்ச மூர்த்திகளின் தேர்களில் தங்க மூலாம் பூசப்பட்ட கலசங்கள் பொருத்தப்பட்டது. முன்னதாக கலசங்கள், கோயிலில் உள்ள சம்மந்த விநாயகர் ஆலயத்தின் முன்னர் வைக்கப்பட்டு, சிறப்பு பூஜைகள் செய்யப்பட்டது குறிப்பிடத்தக்கது.