குலசேகரத்தை சேர்ந்த ராபின்சன், மலை அடிவார தோட்டத்திற்கு வரும் காட்டுப் பன்றிகளுக்கு வெடி வைக்க சென்றுள்ளதாக கூறப்படுகிறது. வெடிகுண்டை இடுப்பில் கட்டி செல்லும் போது திடீரென வெடிகுண்டு வெடித்ததால், இடுப்புக்கு கீழ்பக்கமாக உடல் சிதறி சம்பவ இடத்திலேயே ராபின்சன் உயிரிழந்தார். சம்பவ இடத்திற்கு விரைந்த போலீசார், ராபின்சனின் உடலை கைப்பற்றி பிரேத பரிசோதனைக்கு அனுப்பி வைத்தனர். வெடி மருந்து குறித்து க்யூ பிரிவு போலீசாரும் விபத்து குறித்து விசாரணை நடத்தி வருகின்றனர்.