காஞ்சிபுரம் மாவட்ட காவல் துறை சார்பில் காவலர் நண்பர்கள் குழு ஏற்படுத்தப்பட்டுள்ளது. இதில் காஞ்சிபுரம், ஸ்ரீபெரும்புதூர், உள்ளிட்ட பகுதிகளைச் சார்ந்த 8 கல்லூரி மாணவிகள், 346 மாணவர்கள் என 354 பேர் உறுப்பினர்களாக இணைந்துள்ளனர். இதன் அறிமுக விழாவில் கலந்துகொண்ட மாவட்ட காவல்துறை கண்காணிப்பாளர் சாமுண்டீஸ்வரி, தமிழகத்திலே காவலர் நண்பர் குழுவில் பெண்கள் இணைந்திருப்பது காஞ்சிபுரம் மாவட்டத்தில் தான் என பெருமிதத்துடன் கூறினார்.