காஞ்சிபுரம் மாவட்டம் மாமல்லபுரத்தை சேர்ந்த ஸ்கேட்டிங் சிறுமியை பற்றிய குறும்படம் ஆஸ்கர் விருதுக்கு பரிந்துரைக்கப்பட்டுள்ளது. மாமல்லபுரம் மீனவகுப்பம் பகுதியை சேர்ந்த 5ஆம் வகுப்பு படிக்கும் கமலி ஸ்கேட்டிங் சறுக்கு விளையாட்டில் சிறந்து விளங்குவதை கண்டு அப்பகுதி மக்கள் வியந்தனர். மாமல்லபுரத்துக்கு சுற்றுலா வந்த ஸ்கேட்டிங் வீரர் ஜேமி தாமஸ், சிறுமியின் சறுக்கு விளையாட்டை வீடியோ எடுத்து பேஸ்புக்கில் பதிவிட்டார். இதையடுத்து நியூசிலாந்தை சேர்ந்த இயக்குநர் ஷாஷா என்பவர் கமலி வாழ்க்கை சூழல் குறித்து குறும்படம் தயாரித்துள்ளார். அது ஆஸ்கார் விருதுக்கு பரிந்துரைக்கப்பட்டுள்ளது. கடந்த வாரம் சீனாவில் நடந்த ஸ்கேட்டிங் போட்டியில் சிறுமி கமலி பங்கேற்றது குறிப்பிடத்தக்கது.