நீட் மற்றும் ஜிஎஸ்டி வரிக்கு வித்திட்டவர்கள் திமுகவினர் என தென்சென்னை தொகுதியில் போட்டியிடும் அ.தி.மு.க வேட்பாளர் ஜெயவர்தன் விமர்சித்துள்ளார். மேடவாக்கம், பள்ளிக்கரணை, பெரும்பாக்கம் பகுதியில் வீதி வீதியாக சென்று பிரசாரம் மேற்கொண்ட போது தந்தி டி.வி-க்கு பேட்டியளித்த அவர், தி.மு.க வேட்பாளர் வரலாறு தெரியாமல் பேசுவதாக குற்றம்சாட்டினார். கடந்த ஐந்து ஆண்டுகளில், குடிநீர், பாதாள சாக்கடை உள்பட பல்வேறு திட்டத்திற்கு நிதி ஒதுக்கீடு செய்து பணிகள் நடைபெற்று வருவதாகவும் வேட்பாளர் ஜெயவர்தன் தெரிவித்தார்.