வெளிநாடுகளில் இருந்து தங்கம் எடுத்துவரப்படுவதாக மத்திய வருவாய் புலனாய்வு பிரிவு அதிகாரிகளுக்கு ரகசிய தகவல் கிடைத்தது. இதையடுத்து துபாய், சிங்கப்பூர், மலேசியா உள்ளிட்ட நாடுகளில் இருந்து வந்த பயணிகளின் உடமைகளை அதிகாரிகள் விடிய விடிய சோதனை செய்தனர்.100 பயணிகள் உடமைகளில் 20 கிலோ தங்கம் இருப்பது கண்டுபிடிக்கப்பட்டது. உடனடியாக பல கோடி ரூபாய் மதிப்பிலான தங்கத்தை பறிமுதல் செய்த அதிகாரிகள் இது தொடர்பாக 100 பேரிடம் விசாரணை நடத்தி வருகின்றனர். குறிப்பாக 15 பேரை ரகசிய இடத்தில் வைத்து மத்திய வருவாய் புலனாய்வு பிரிவு அதிகாரிகள் விசாரணை நடத்தி வருவதாக கூறப்படுகிறது. விசாரணைக்கு பிறகே கடத்தலில் ஈடுபட்டது யார், அதன் பின்னணி உள்ளிட்ட முழு விவரங்கள் தெரியவரும் என அதிகாரிகள் தெரிவித்துள்ளனர்.