இதனிடையே, சிவசங்கர் பாபா மீது மேலும் புகார்கள் இருந்தால் தெரிவிக்கலாம் என சிபிசிஐடி போலீசார் அறிவித்துள்ளனர். இது தொடர்பாக சிபிசிஐடி வெளியிட்டுள்ள அறிவிப்பில், மாணவிகள் அளித்த புகாரில், சிவசங்கர் மீது 3 வழக்குகள் பதிவு செய்யப்பட்டு, கைது செய்யப்பட்டு, தற்போது 15 நாள் நீதிமன்ற காவலில் உள்ளதாக குறிப்பிட்டுள்ளனர். எனவே இச்சம்பவம் தொடர்பாக மேலும் புகார்கள் இருந்தால், தொலைபேசி அல்லது இமெயிலில் தெரிவிக்கலாம் என சிபிசிஐடி போலீசார் தெரிவித்துள்ளனர்.