பென்னாகரம் அடுத்த சமத்துவபுரம் கிராமத்தை சேர்ந்த வேலன், பெங்களூருவில் சென்டிரிங் வேலை பார்த்து வந்துள்ளார். வாரத்திற்கு ஒரு முறை சொந்த ஊருக்கு வந்து செல்லும் நிலையில், அசோக்குமாரின் மனைவி சுகன்யாவும், அதே பகுதியை சேர்ந்த கூலி தொழிலாளி சத்யமூர்த்தியும் தகாத உறவில் இருந்து வந்ததாக கூறப்படுகிறது. இதனை வேலன் கண்டித்ததால், கணவன் - மனைவி இடையே அடிக்கடி தகராறு ஏற்பட்டுள்ளது. இந்த சூழலில், தீபாவளி கொண்டாட மனைவியின் சொந்த ஊரான பிக்கன அள்ளிக்கு வேலன் சென்றுள்ளார். அப்போது அவரை பின் தொடர்ந்து சென்ற சத்யமூர்த்தி, தனியாக பேச வேண்டும் என வரவழைத்து கத்தியால் கழுத்தறுத்து கொலை செய்துள்ளார். இதுகுறித்து வழக்குப்பதிவு செய்த போலீசார், சத்யமூர்த்தியை கைது செய்து சிறையில் அடைத்தனர்.