தமிழகத்திலேயே வேலூர் மாவட்டத்தில் வெயிலின் தாக்கம் அதிகமாக உள்ளது. அதாவது 108 டிகிரியையும் தாண்டி வெயில் சுட்டெரிக்கிறது. இந்நிலையில் அரசு சித்த மருத்துவர் தில்லைவாணன் வழங்கியுள்ள ஆலோசனையில், நீர்ச்சத்து நிறைந்த பழங்கள் மற்றும் காய்கறிகளை அதிகமாக சாப்பிடுமாறு வலியுறுத்தியுள்ளார். மேலும் அம்மை தொற்றைத் தவிர்க்க வாரம் இருமுறை வேப்பிலை, மஞ்சள் கலந்த நீரில் குளிக்கலாம் என்றும், டீ, காபியைத் தவிர்த்து சீரகம், வெந்தயத் தண்ணீரைப் குடிக்குமாறும் அறிவுறுத்தியுள்ளார்.