சிறுமி ஹாசினியை பாலியல் பலாத்காரம் செய்து எரித்து கொலை செய்த தஷ்வந்துக்கு, மேலும் ஒரு ஆண்டு சிறை தண்டனை வழங்கி செங்கல்பட்டு நீதிமன்றம் தீர்ப்பளித்துள்ளது. கடந்த வருடம் சிறுமி ஹாசினியின் தந்தை சாட்சி சொல்ல, செங்கல்பட்டு நீதிமன்றம் வரும் போது, சாட்சி சொல்லக்கூடாது என கொலை மிரட்டல் விட்டதாக வழக்குப்பதிவு செய்யப்பட்டது. இந்த வழக்கை விசாரித்து வந்த, செங்கல்பட்டு நடுவர் நீதிமன்ற நீதிபதி சுபாஷினி நேற்று இந்த தீர்ப்பை வழங்கி உள்ளார்.சிறுமி ஹாசினி கொலை வழக்கில், தஷ்வந்துக்கு, 46 ஆண்டுகள் சிறை மற்றும் பின்னர் தூக்கு தண்டனை நிறைவேற்ற வேண்டும் என , ஏற்கனவே செங்கல்பட்டு நீதிமன்றம் தீர்ப்பு வழங்கி உள்ளது குறிப்பிடத்தக்கது