நாங்குநேரி தொகுதியில் சுயேட்சையாக போட்டியிடும் வேட்பாளர் ஹரிநாடார், பத்துக்கும் மேற்பட்ட சொகுசு கார்களில் வலம் வந்து, களக்காட்டில் பிரசாரத்தை நிறைவு செய்தார். பனங்காட்டு படை கட்சியின் சார்பில் நாங்குநேரியில் போட்டியிடும் சுயேட்சை வேட்பாளர் ஹரிநாடார், சிறுமளஞ்சி, பொத்தையடி, ராஜ புதூர், திருக்குறுங்குடி, களக்காடு ஆகிய பகுதிகளில் தீவிர பிரச்சாரம் மேற்கொண்டார். ரோல்ஸ் ராய்ஸ், ஜாகுவார், ஆடி, பிஎம்டபிள்யூ உள்ளிட்ட பத்துக்கும் மேற்பட்ட சொகுசு கார்களில், பல்வேறு கிராமங்களில் வலம் வந்து, களக்காட்டில் உள்ள காமராஜர் சிலை முன்பு பிரசாரத்தை நிறைவு செய்தார்.