இதையடுத்து, நீதிபதிகள் செல்வம், நிர்மல் குமார் அடங்கிய அமர்வு முன்பு, இதே கோரிக்கையை வழக்கறிஞர்கள் முன்வைத்தனர். இதையடுத்து ஹெச்.ராஜா மீதான புகாரை, தாமாக முன்வந்து விசாரணைக்கு ஏற்ற நீதிபதிகள், 4 வாரத்திற்குள், நீதிமன்றத்தில் நேரில் ஆஜராகி விளக்கமளிக்க வேண்டும் என ஹெச். ராஜாவுக்கு உத்தரவிட்டனர்.

இந்த உத்தரவில், நீதி பரிபாலனம் செய்வதில் நீதிபதிகள் தான் அச்சாணி என உணர்ந்து, கண்ணியத்தை காப்பது நீதிபதிகளின் தலையாய கடமை என குறிப்பிடப்பட்டுள்ளது. ஜனநாயகத்தின் தூணான நீதித்துறையை களங்கப்படுத்த முயற்சிப்பதை அனுமதிப்பது என்பது பாஸிசத்தையும், நக்ஸலிசத்தையும் வளர்ப்பதாகவே அமையும் என்றும் நீதிபதிகள் தங்களது உத்தரவில் கூறியுள்ளனர்.