திருவிடைமருதூர்
திருவிடைமருதூரில் பிரசித்தி பெற்ற நவக்கிரகத்தலமான சூரியனார் கோயிலில், குரு பெயர்ச்சியை முன்னிட்டு சிறப்பு ஹோமம், அபிஷேகம், மகா தீபாராதனை நடைபெற்றது. இதில் ஆயிரக்கணக்கான பக்தர்கள் அதிகாலை முதலே தொடர்ந்து தரிசனம் செய்து வருகின்றனர்.
மதுரை
இதேபோல், மதுரை குருவித்துறை குரு பகவான் கோவிலில், குரு பெயர்ச்சியை ஒட்டி, யாகம் வளர்த்து சிறப்பு பூஜைகள் செய்யப்பட்டன. நள்ளிரவில் இருந்து, கோவிலில் சிறப்பு பரிகாரம் யாகம் நடைபெற்றது. யாகத்தின் போது, புனித நீரை குருபகவானுக்கு ஊற்றி சிறப்பு பூஜைகள் செய்தனர்.
திருவொற்றியூர்
திருவொற்றியூர் வடகுரு ஸ்தலமான குரு தட்சிணாமூர்த்தி கோயிலில், சிறப்பு ஹோமங்களும், பரிகார பூஜைகளும் சிறப்பாக நடைபெற்றது. இதில் எராளமான பக்தர்கள் கலந்து கொண்டு சாமி தரிசனம் செய்தனர்.
தூத்துக்குடி
தூத்துக்குடியில் உள்ள பழமை வாய்ந்த சிவன் கோவிலிலும் குருபெயர்ச்சி விழா சிறப்பாக நடைபெற்றது. குரு பகவானுக்கு சிறப்பு பூஜைகள் மற்றும் அபிஷேகங்கள் நடைபெற்றன. இதில் ஏராளமான பக்தர்கள் கலந்து கொண்டு, திரவியங்கள், மஞ்சள் துணி, கொண்டைக்கடலை போன்றவற்றை காணிக்கையாக செலுத்தி வழிபட்டனர்.