தமிழக அரசு வெளியிட்டுள்ள அரசாணையில், பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நலத்துறை சார்பில் 2019ம் ஆண்டிற்கான தமிழக அரசின் சமூக நீதிக்கான தந்தை பெரியார் விருது செஞ்சி ராமச்சந்திரனுக்கு வழங்கப்படுவதாக அறிவிக்கப் பட்டுள்ளது. விருது பெறும் அவருக்கு ஒரு லட்சம் ரூபாய் நிதி மற்றும் ஒரு சவரன் தங்கப் பதக்கமும் வழங்கப்பட உள்ளதாகவும் அறிக்கையில் குறிப்பிட்டுள்ளது. இந்த விருதை பெற செஞ்சி ராமச்சந்திரனை, முதலமைச்சர் எடப்பாடி பழனிசாமி தேர்வு செய்ததாகவும் தெரிவிக்கப்பட்டுள்ளது.