சென்னையை அடுத்த நங்கநல்லூரில் அரசு பள்ளி மாணவ-மாணவிகளுக்கு விலையில்லா சைக்கிள்கள் வழங்கும் விழா நடந்தது. முன்னதாக திமுக-வை சேர்ந்த எம்.பி., ஆர்.எஸ்.பாரதி, எம்.எல்.ஏ. அன்பரசன் ஆகியோர் சைக்கிள்களை வழங்கிவிட்டு சென்றனர். பின்னர் அதிமுக எம்.பி. ராமசந்திரன், முன்னாள் எம்.பி. சிட்லப்பாக்கம் ராஜேந்திரன், முன்னாள் எம்.எல்.ஏ. வெங்கட்ராமன், ஆகியோர் மாணவ-மாணவிகளுக்கு சைக்கிள்களை வழங்கினார். இதனையடுத்து அழைப்பிதழ்லில் பெயர் போடவில்லை எனக்கூறி அதிமுகவினர் சிலர் வாக்குவாதத்தில் ஈடுபட்டதால், பழவந்தாங்கல் கல்லூரி சாலையில் போக்குவரத்து பாதிக்கப்பட்டது.