நார்வே நாட்டைச் சேர்ந்த சிவாங்கா அமெரிக்காவைச் சேர்ந்த ஹனி வேலூரைச் சேர்ந்த அஜய் மணிராஜ் ஆகியோர் இந்த சைக்கிள் பயணத்தை மேற்கொண்டுள்ளனர். கடந்த செப்டம்பர் மாதம் 3 ஆம் தேதி கன்னியாகுமரியில் துவங்கிய இவர்களது பயணம் கிருஷ்ணகிரி வந்தடைந்தது. ஒசூர் வழியாக கர்நாடகம் செல்லும் இந்தக் குழுவினர் இமயமலை வரை சென்று அங்குள்ள கிராமங்களில் உள்ள மாணவர்களுக்கு யோகா பற்றிய விழிப்புணர்வையும் மரம் நடுதல் குறித்த விழிப்புணர்வையும் ஏற்படுத்த உள்ளனர்.