ஈரோடு மாவட்டம் மாமரத்துப்பாளையத்தை சேர்ந்த தங்கவேலு என்பவர் கடந்த 2015-ம் ஆண்டு, தனது மகளிடம் குடித்துவிட்டு தகராறு செய்த மருமகன் பாலகிருஷ்ணனை அரிவாளால் வெட்டி கொலை செய்தார். தங்கவேலுக்கு 7 ஆண்டுகள் சிறை தண்டனை விதித்து ஈரோடு முதலாவது கூடுதல் அமர்வு நீதிமன்றம் தீர்ப்பளித்தது. தங்கவேலு இதனை எதிர்த்து சென்னை உயர்நீதிமன்றத்தில் மேல்முறையீடு செய்திருந்தார். வழக்கை விசாரித்த நீதிபதி சுரேஷ்குமார், , தங்கவேலுக்கு எதிரான குற்றச்சாட்டை காவல்துறையினர் நிரூபிக்க தவறிவிட்டதாக கூறி அவரை விடுதலை செய்து தீர்ப்பளித்தார்.