கடந்த 16ம்தேதி தலைமை ஆசிரியரும், தமிழ்நாடு தொடக்கப்பள்ளி ஆசிரியர் சங்கத்தின் மாநில பொதுசெயலாளருமான முத்துராமசாமி, 50-க்கும் மேற்பட்ட ஆட்களுடன் வந்து ஆசிரியை பிரபாவதி வீட்டிற்கு சென்று அவரது மகள் மற்றும் தாயாரை தாக்கியதாக வீடியோ காட்சிகளுடன் பிரபா புகார் அளித்தார். ஆனால் முத்து ராமசாமி மீது வழக்குப்பதிவு செய்தும் அவரை கைது செய்யாமல் காவல்துறையினர் காலம்தாழ்த்தி வந்துள்ளனர். இந்நிலையில் எஸ்பி அலுவலகத்திற்கு வந்த ஆசிரியை பிரபா, புகார் மனு ஒன்றை அளித்தார். அதில் தனது குடும்பத்தை தாக்கி பொருள்களை எடுத்து சென்ற தலைமை ஆசிரியர் முத்துராமியை கைது செய்து உரிய நீதி வழங்க வேண்டும் என கோரிக்கை விடுத்துள்ளார்.