யானை ஒன்று தந்தத்தால் கடுமையாக தாக்கியதில், 7 வயது புலி உயிருக்குப் போராடி வரும் வீடியோ காட்சிகள் வெளியாகியுள்ளன. கடந்த 6 தினங்களுக்கு முன்பு, கர்நாடக மாநிலம் பந்திப்பூர் புலிகள் காப்பகத்தில் 7 வயது மதிக்கத்தக்க ஆண்புலி யானை ஒன்றைத் தாக்க வந்தது. இதில் அந்த யானை புலியைத் தாக்கியதில், ஆண் புலிக்கு பலத்த காயம் ஏற்பட்டு உணவு உட்கொள்ள முடியமல் சிரமப்பப்பட்டு வருகின்றது. காயமடைந்த புலியானது பந்திப்பூர் புலிகள் காப்பகத்தில் உள்ள வனப்பகுதியில் வைக்கப்பட்ட கூண்டுக்குள் மாட்டிக் கொண்டது. இந்நிலையில், அந்த புலியை மீட்ட கர்நாடக வனத்துறையினர், மைசூர் வனவிலங்கு மீட்பு மையத்தில் சிகிச்சை பெற்று வரும் டி 23 புலி இருக்கும் இடத்திலேயே சிகிச்சை அளித்து வருகின்ரனர். இதையடுத்து, மூச்சு விட சிரமப்பட்டு உயிருக்குப் போராடிக் கொண்டிருக்கும் புலியின் வீடியோ காட்சிகள் தற்போது வெளியிடப்பட்டுள்ளன.