சென்னை எழும்பூர் ரயில் நிலையத்தில் அமைக்கப்பட்ட நகரும் படிக்கட்டினை திமுக எம்.பி. தயாநிதிமாறன் திறந்து வைத்தார். அவரது மத்திய சென்னை நாடாளுமன்ற தொகுதி நிதியில் இருந்து 2 கோடி ரூபாய் செலவில் எழும்பூர் ரயில் நிலையத்தின் 7-வது நடைமேடையில் இந்த நகரும் படிகட்டு அமைக்கப்பட்டுள்ளது. அதனை பயணிகளின் பயன்பாட்டிற்கு திறந்து வைத்து பேசிய தயாநிதிமாறன் தென்னக ரயில்வே மற்றும் மத்திய சென்னை நாடாளுமன்ற தொகுதி நிதியிலிருந்து இதுவரை 20 கோடி ரூபாய் செலவிலான திட்டங்கள் செயல் படுத்தப்பட்டுள்ளதாக கூறினார்.