"மின் இணைப்பு கூடாது" - தலைமை நீதிபதி அதிரடி உத்தரவு
சட்டவிரோதமாக கட்டப்படும் கடைகளுக்கு மின் இணைப்பு வழங்கக்கூடாது என மெட்ராஸ் உயர்நீதிமன்ற மதுரை அமர்வு உத்தரவிட்டுள்ளது.
திண்டுக்கல் மாவட்டம் குஜிலியம்பாறை பகுதியைச் சேர்ந்த பெருமாள்சாமி என்பவர், வேம்பூர் பகுதியில் நெடுஞ்சாலையை ஆக்கிரமித்து கட்டப்பட்டுள்ள கடைகளை அகற்ற உத்தரவிடுமாறு மெட்ராஸ் உயர்நீதிமன்ற மதுரை அமர்வில் மனு தாக்கல் செய்து இருந்தார். இந்த மனு தலைமை நீதிபதி கே.ஆர்.ஸ்ரீராம், நீதிபதி முகமது சபீக் ஆகியோர் முன்பு விசாரணைக்கு வந்தது.
அப்போது, நெடுஞ்சாலையை ஆக்கிரமித்து கட்டப்பட்டதாக கூறப்படும் கடைகளுக்கு எதன் அடிப்படையில் மின்சாரத்தை தமிழ்நாடு மின்வாரியம் தொடர்ந்து வினியோகிக்கிறது? என கேள்வி எழுப்பினர்.