சேலத்தில் தினத்தந்தி மற்றும் எஸ்.ஆர்.எம்.(SRM) கல்வி குழுமம் இணைந்து நடத்திய கல்வி கண்காட்சியில் ஏராளமான மாணவர்கள் கலந்து கொண்டு பயன்பெற்றனர்.
12ஆம் வகுப்பு பொதுத்தேர்வுகள் நிறைவடைந்துள்ள நிலையில், மாணவ மாணவிகளுக்கு உயர்கல்வி வாய்ப்புகள் குறித்து வழிகாட்டும் வகையில், 2 நாள் கல்வி கண்காட்சி சேலத்தில் இன்று தொடங்கியது. தினத்தந்தி மற்றும் எஸ்.ஆர்.எம். கல்வி குழுமம் இணைந்து நடத்தும் இந்த கண்காட்சியில், ஏராளமான மாணவ, மாணவிகள் ஆர்வமுடன் கலந்துகொண்டுள்ளனர். கல்வி கண்காட்சியில், மருத்துவம், பொறியியல், கலை-அறிவியல், ஹோட்டல் நிர்வாகம் உள்ளிட்ட பல்வேறு துறை சார்ந்த வல்லுநர்கள் கலந்து கொண்டு, மேற்படிப்புகள் மற்றும் வேலை வாய்ப்புகள் குறித்து மாணவர்களின் சந்தேகங்களுக்கு விளக்கம் அளித்தனர். இந்த கண்காட்சி மிகவும் பயனுள்ளதாக இருந்தது என மாணவ, மாணவிகள் மகிழ்ச்சி தெரிவித்துள்ளனர்..