சிறுநீரகம் பாதிக்கப்பட்டவர்களுக்கு தனியார் மருத்துவமனைகளில் டயாலிசிஸ் செய்வதற்கு சுமார் 2 ஆயிரம் ரூபாய் முதல் 3,500 ரூபாய் வரை வசூலிக்கப்படுகிறது. வாரம் இரு முறையேனும் ரத்த சுத்திகரிப்பு செய்ய வேண்டும் என்ற நிலை உள்ளது. ஆனால் டயாலிசிஸ் சிகிச்சைக்கான கட்டணம் ஒருமுறைக்கு ஆயிரக்கணக்கில் வசூலிக்கப்படுவதால் நடுத்தர மற்றும் ஏழைக்குடும்பங்களைச் சேர்ந்தவர்கள் தனியார் மருத்துவமனைகளில் பணம் செலவழித்து சிகிச்சை பெற முடிவதில்லை.

இதனை கருத்தில்கொண்டு சென்னை மாநகராட்சி தனியார் தொண்டு நிறுவனங்கள் மூலம் இலவசமாக , இந்த சேவையை செய்து வருகிறது. இதனால் ஏராளமானோர் பயன்பெற்று வருகிறார்கள். ரெட்டேரி பகுதியில் இலவசமாக டயாலிசிஸ் மையம் தொடங்கப்பட்டு மூன்று மாதங்கள் ஆன நிலையில் மாதம்தோறும் சுமார் 4 ஆயிரம் பேர் பயன்பெறுகிறார்கள்.