திண்டுக்கல் நகர் பகுதியில் உள்ள 11 திரையரங்குகளில் தர்பார் திரைப்படம் இன்று வெளியாகவில்லை. இதனால் ஆத்திரம் அடைந்த ரஜினி ரசிகர்கள், வட்டச்சாலை பகுதியில் உள்ள திரையரங்கில் ஏற்கனவே ஓடிக்கொண்டு இருக்கும், திரைப்படத்தின் பேனரை கிழித்து ரகளையில் ஈடுபட்டனர். தகவல் அறிந்து சம்பவ இடத்திற்கு வந்த போலீசார் தடியடி நடத்தி ரகளையில் ஈடுபட்டவர்களை அப்புறப்படுத்தினர். இதுகுறித்து திரையரங்கு உரிமையாளர்களிடம் கேட்டபோது, திரைப்படத்தை விநியோகிக்கும் வினியோகஸ்தர் கேட்கும் தொகை, தங்களால் செலுத்த இயலாது என்பதால் படத்தை வாங்கவில்லை என்றும், தொடர்ந்து இதுதொடர்பாக பேசிக்கொண்டு இருப்பதாகவும் தெரிவித்துள்ளனர்.