2011 ஆம் ஆண்டு கடலூர் மாவட்டத்தை புரட்டிப்போட்ட தானே புயலால் தென்னை விவசாயிகள் தங்கள் வாழ்வாதாரத்தை இழந்தனர். அடியோடு சாய்ந்த தென்னை மரங்களை விவசாயிகள் கனத்த இதயத்துடன் அப்புறப்படுத்திவிட்டு புதிய மரக்கன்றுகளை நட்டனர். அந்த தென்னை மரங்கள் மூலம் கடந்த இரண்டு ஆண்டுகளாக விவசாயிகள் வருவாய் ஈட்டி வந்த நிலையில் , தற்போது வெள்ளை ஈயின் தாக்குதலால் பொருளாதார அழிவை சந்தித்துள்ளனர். வெள்ளை ஈ காற்றின் மூலம் பரவி தென்னையில் படர்ந்து காய்ப்பு திறனை குறைத்து விடுகிறது. 2016 ஆம் ஆண்டு பொள்ளாச்சி மற்றும் அதன் சுற்றுவட்டார பகுதிகளில் உள்ள தென்னைகளை தாக்கிய வெள்ளை ஈ காற்றின் மூலம் பரவி இந்தாண்டு தொடக்கத்தில் கடலூர் வந்துள்ளன.