விநாயகர் சதுர்த்தி விழாவை முன்னிட்டு, சென்னை கோயம்பேடு சந்தையில் பூக்கள், பூஜை பொருட்களின் விற்பனை தீவிரம் அடைந்துள்ளது. விநாயகர் சதுர்த்தி விழா நாளை கோலாகலமாக கொண்டாடப்படவுள்ள நிலையில், பூக்கள், மாலை தோரணங்கள், களிமண்ணால் ஆன விநாயகர் சிலைகள் மற்றும் பூஜை பொருட்களின் விற்பனை சூடுபிடித்துள்ளன. பூக்களின் விலை சற்று குறைந்துள்ளதால், பொதுமக்கள் மகிழ்ச்சி அடைந்துள்ளனர். மேலும் பல்வேறு பகுதிகளில் இருந்தும் பொருட்களை வாங்க மக்கள் குவிந்து வருவதால், முக்கிய சாலைகளில் போக்குவரத்து பாதிக்கப்பட்டுள்ளது.