தமிழகத்தில் ஒரு நாள் கொரோனா பாதிப்பு 8 ஆயிரத்தை நெருங்கியுள்ளது.தமிழகத்தில் ஏப்ரல் 6 ஆம் தேதி, ஒரு நாள் கொரோனா பாதிப்பு 3 ஆயிரத்து 645 ஆக இருந்த நிலையில், தற்போது ஒரு நாள் கொரோனா பாதிப்பு 7 ஆயிரத்து 987 ஆக உயர்ந்துள்ளது. இதன் மூலம் கொரோனா மொத்த பாதிப்பு, 9 லட்சத்து 62 ஆயிரத்து 935 ஆக உயர்ந்துள்ளது.கொரோனாவால் ஒரே நாளில் 29 பேர் உயிரிழந்த நிலையில், மொத்த உயிரிழப்பு எண்ணிக்கை 12 ஆயிரத்து 999 ஆக உயர்ந்துள்ளது.தமிழகத்தில் தற்போது கொரோனாவுக்கு 58 ஆயிரத்து 97 பேர் சிகிச்சை பெற்று வரும் நிலையில், ஒரு நாளில் 4 ஆயிரத்து 176 பேர் குணமடைந்துள்ளனர். இதனிடையே தமிழகத்தில் 15 பேருக்கு உருமாறிய கொரோனா தொற்று ஏற்பட்டுள்ளது.