பொற்கொடி அம்மன் புஷ்பரத ஏரித்திருவிழா

வேலூர் மாவட்டம் அனைக்கட்டு அருகே வேலங்காடு கிராம பகுதி ஏரியில் பொற் கொடியம்மன் கோவில் உள்ளது.இந்த கோவிலில் ஆண்டுதோறும், சித்திரை மாதம் கடைசி புதன்கிழமை அன்று நடைபெறும் புஷ்பரத ஏரித் திருவிழா நேற்று நடைபெற்றது. விழாவில் அம்மன் அலங்கரிக்கப்பட்ட ரதத்தில் எழுந்தருளி பக்தர்கள் அருள்பாலித்தார். பின்னர் அம்மனுக்கு சிறப்பு பூஜைகள் செய்யப்பட்டு தீபாராதனை காட்டப்பட்டது.பக்தர்கள் நேர்த்திக்கடன் செலுத்த ஏரியிலேயே ஆடு கோழிகளை பலியிட்டு, உணவாக சமைத்து அங்கு வந்த பொதுமக்களுக்கு வழங்கினர்.