சென்னை மீனம்பாக்கம் பன்னாட்டு விமான நிலையத்திற்கு துபாயில் இருந்து சிறப்பு விமானம் வந்தது. அதில் வந்த பயணிகளை சுங்க இலாகா அதிகாரிகள் சோதனை செய்த போது, சந்தேகத்திற்கிடமான சென்னை மற்றும் திருச்சியை சேர்ந்த நான்கு பயணிகளை தனி அறைக்கு அழைத்து சென்று சோதனை செய்தனர். இதில் அவர்கள் உள்ளாடை மற்றும் காலில் அணிந்திருந்த சாக்ஸ்களில் தங்கத்தை மறைத்து வைத்து எடுத்து வந்தது கண்டுபிடிக்கப்பட்டது. இதையடுத்து, அவர்களிடம் இருந்து 40 லட்சம் ரூபாய் மதிப்புள்ள 760 கிராம் தங்கம் பறிமுதல் செய்யப்பட்டது. இதனை தொடர்ந்து நான்கு பேரிடம் சுங்க இலாகா அதிகாரிகள் விசாரணை மேற்கொண்டு வருகின்றனர்.