புதுக் கல்லூரியில் புதன்கிழமை கலை நிகழ்ச்சிகளுக்கு திட்டமிட்டிருந்த நிலையில், மாணவர்கள் சிலர் இருசக்கர வாகனத்தில் வீலிங் செய்ததால், மாணவத் தலைவர் உள்ளிட்ட 3 பேரை கல்லூரி நிர்வாகம் சஸ்பெண்ட் செய்தது. அத்துடன் கலை நிகழ்ச்சிகள் நடத்தவும் கல்லூரி நிர்வாகம் அனுமதி மறுத்து விட்டது. இதனைக் கண்டித்து, முதல்வர் அலுவலகம் எதிரே கல்லூரி மாணவர்கள் உள்ளிருப்பு போராட்டத்தில் ஈடுபட்டனர். அவர்களில் சிலர், கல்லூரியின் மேல்தளத்திற்கு சென்று போராட்டத்தில் ஈடுபட்டதால் பரபரப்பு ஏற்பட்டது. சம்பவ இடத்துக்கு வந்த போலீசார், போராட்டத்தில் ஈடுபட்ட மாணவர்களிடம் பேச்சுவார்த்தை நடத்தி சமாதானப்படுத்தி அனுப்பி வைத்தனர்.