* இந்நிலையில் தஞ்சை மாவட்டத்தில் இன்று அவர்கள் ஆய்வு நடத்தினர். ஒரத்தநாட்டை அடுத்த புதூர் கிராமத்திற்கு சென்ற மத்திய குழுவினர், அங்கு சேதம் அடைந்த வீடுகளை பார்வையிட்டனர். இதைத்தொடர்ந்து புலவன்காடு கிராமத்தில் புயலால் பாதிக்கப்பட்ட விவசாய நிலங்கள், மற்றும் தென்னந்தோப்புகளை அவர்கள் ஆய்வு செய்தனர். இதைத்தொடர்ந்து பட்டுகோட்டை அருகே ஆலடிக்குமுளை கிராமத்திற்கு சென்ற மத்திய குழுவினர், சேதங்களை பார்வையிட்டனர்.

* இதனையடுத்து தஞ்சை மாவட்டத்தின் கடற்கரை பகுதியான மல்லிப் பட்டினம் பகுதியில் மத்திய ஆய்வுக் குழுவினர் ஆய்வு செய்தனர். உடைந்து போன படகுகள், சிதைந்து போன வலைகள், சேதமடைந்த மீனவ கிராமங்களை பார்வையிட்டனர். அங்கிருந்த மீனவர்களிடம் புயல் பாதிப்புகள் குறித்து கேட்டறிந்தனர்.