சென்னை ராயபுரம் காசிமேடு பகுதிகளில் மாநகர பேருந்துகளில் அடிக்கடி செல்போன் திருடு போவதாக தொடர் புகார்கள் வந்தது. செல்போன் பறிப்பு வழக்கில் தொடர்புடைய வண்ணாரப்பேட்டையை சேர்ந்த அஜித் என்பவனை பிடித்து ராயபுரம் போலீசார் விசாரித்ததில் காசிமேட்டை சேர்ந்த மணிகண்டன் மற்றும் வண்ணாரப்பேட்டையை சேர்ந்த சரவணன் ஆகியோருடன் சேர்ந்து செல்போன் திருட்டில் ஈடுபட்டது தெரியவந்தது. இதனையடுத்து 3 பேரையும் கைது செய்த போலீசார் அவர்களிடமிருந்து 6 செல்போன்களை பறிமுதல் செய்தனர்.