எதிர்வரும் டி20 உலகக்கோப்பை தொடரில் ஆப்கானிஸ்தான் அணியின் பவுலிங் ஆலோசகராக மேற்கிந்தியத் தீவுகள் அணியின் முன்னாள் வீரர் டுவைன் பிராவோ நியமிக்கப்பட்டுள்ளார். 20 அணிகள் பங்கேற்கும் டி20 உலகக்கோப்பை தொடர் அடுத்த மாதம் தொடங்குகிறது. இந்த தொடரில் ரஷித் கான் தலைமையில் ஆப்கானிஸ்தான் அணி விளையாடவுள்ளது. இந்நிலையில் ஆப்கானிஸ்தான் அணிக்கு டுவைன் பிராவோ பவுலிங் ஆலோசகராக செயல்படுவார் என அந்நாட்டு கிரிக்கெட் சங்கம் அறிவித்துள்ளது.