அணையின் நீர்ப்பிடிப்பு பகுதிகளில் பலத்த மழை பெய்து வருவதால் பவானி அணைக்கு, நீர்வரத்து 22 ஆயிரத்து 333 கனஅடியாக அதிகரித்துள்ளது. இதன் காரணமாக, அணையின் நீர்மட்டம் 98 புள்ளி 06 அடியாக உயர்ந்துள்ளது. அணையில் நீர் இருப்பு 27 புள்ளி 2 டிஎம்சி யாக உள்ளது. இதனையடுத்து, அணையிலிருந்து பாசனத்திற்காக கீழ்பவானி வாய்க்காலில் ஆயிரத்து 500 கனஅடி நீர் வெளியேற்றப்பட்டு வருகிறது. தொடர்ந்து நீர்வரத்து அதிகரித்தால் 3 நாட்களில் அணை நிரம்ப வாய்ப்புள்ளதாக பொதுப்பணித்துறை அதிகாரிகள் தெரிவித்துள்ளனர். இதனால் விவசாயிகள் மகிழ்ச்சி அடைந்துள்ளனர்.