கலைஞர் மகளிர் உரிமைத் தொகை திட்டத்தில், வீடு தேடிச் சென்று தன்னார்வலர்கள் விண்ணப்பத்தை வழங்குவார்கள் என, சென்னை மாநகராட்சி ஆணையர் ராதாகிருஷ்ணன் தெரிவித்துள்ளார். 2ம் கட்ட முகாமை பார்வையிட்ட பின் செய்தியாளர்களிடம் பேசிய அவர், முதல்கட்ட முகாமில் 4 லட்சத்து 70 ஆயிரத்திற்கும் அதிகமான விண்ணப்பங்கள் பெறப்பட்டுள்ளதாகக் குறிப்பிட்டார். சென்னையில் மண்டல வாரியாக 150-க்கும் மேற்பட்ட குழுக்கள் கண்காணிப்பு பணியில் ஈடுபட்டு வருவதாகவும் தெரிவித்தார்.