மாளிகைமேட்டில் வசித்துவரும் கூலித்தொழிலாளி தம்பதியர் பாலசுப்பிரமணியன்- கவுசல்யா... இவர்களின் மூன்று குழந்தைகளும் அருகில் உள்ள உட்கோட்டை அரசு பள்ளியில் பயின்று வருகின்றனர். இவர்கள் வீட்டிலிருந்து மெயின் ரோட்டுக்கு வரக்கூடிய பொதுப்பாதை, ஆக்கிரமிப்புகள் செய்யப்பட்டு, முட்புதர்கள் மண்டி மிகவும் ஆபத்தான நிலையில் இருந்தது. இதனால் பள்ளி செல்வதற்கும் அன்றாட பணிகளில் ஈடுபடுவதற்கும் பாதை இல்லாமல் இவர்கள் அவதி அடைந்தனர். இது தொடர்பான செய்தி தந்தி டிவியில் ஒளிபரப்பானது. இதனைத் தொடர்ந்து பொதுப்பாதையில் ஆக்கிரமிப்பு அகற்றப்பட்டு சுத்தம் செய்து தரப்பட்டுள்ளது. இந்நிலையில், தமிழக அரசுக்கும் தந்தி டிவிக்கும் அந்த குடும்பத்தினர் நன்றி தெரிவித்துள்ளனர். மேலும் அச்சமின்றி தற்போது பள்ளிக்கு செல்ல முடிவதாக மகிழ்ச்சியுடன் மாணவர்கள் கூறியுள்ளனர்.