சிகரெட் கேட்டு பெட்டிக்கடையில் தகராறு-பணம் கேட்டதால் பெட்ரோல் குண்டு வீச்சு- அதிரடி காட்டிய போலீஸ்

கோவை சேரன் மாநகர் வினோபாஜி நகரில் உள்ள ஒரு உணவகம் அருகே பெட்டிக்கடை உள்ளது. நேற்று மாலை சில இளைஞர்கள் இந்த பெட்டிக்கடைக்கு வந்து சிகரெட் வாங்கி உள்ளனர். ஆனால், சிகரெட்டுக்கான பணத்தை கொடுக்காமல் கடைக்காரருடன் வாக்குவாதம் ஏற்பட்டுள்ளது. பின்னர் அங்கிருந்து சென்ற இளைஞர்கள் இரவு மீண்டும் அந்த பெட்டிக்கடைக்கு வந்து பெட்ரோல் குண்டை வீசினர். ஆனால் தவறுதலாக பெட்ரோல் குண்டு அருகே இருந்த ஹோட்டல் மீது விழுந்ததால் அதிர்ச்சி அடைந்த அவர்கள் உடனடியாக போலீசாருக்கு தகவல் கொடுத்தனர். விரைந்து வந்த போலீசார் பெட்ரோல் குண்டை வீசிய வரதராஜன் என்பவரை மடக்கி பிடித்தனர். அப்போது, பொதுமக்களும் அங்கு திரண்டதால் பரபரப்பு ஏற்பட்டது. தொடர்ந்து, வரதராஜனின் நண்பர்களையும் போலீசார் வலைவீசி தேடி வருகின்றனர்.