தமிழகத்தின் முதல் பெண் தலைமை தேர்தல் அதிகாரியாக அர்ச்சனா பட்நாயக் இன்று தலைமைச் செயலகத்தில் அவரது அறையில் பொறுப்பேற்றுக் கொண்டார். 2018 முதல் தமிழக தலைமை தேர்தல் அதிகாரியாக இருந்து வந்த சத்யபிரத சாகு
தற்போது தமிழக அரசின் கால்நடைத் துறைச் செயலாளராக மாற்றம் செய்யப்பட்டுள்ளார். ஒடிசா மாநிலத்தைச் சேர்ந்த அர்ச்சனா பட்நாயக், 2002ஆம் ஆண்டு பேட்ச் ஐஏஎஸ் அதிகாரி ஆவார். தமிழக அரசின் சிறு, குறு தொழிலாளர் துறையின்
செயலாளர் ஆக பணியாற்றி வந்த அர்ச்சனா பட்நாயக், முன்பு ஆசிரியர் தேர்வாணையக் குழுவின் தலைவராகவும் இருந்துள்ளார். கோவை, நீலகிரி மாவட்ட ஆட்சியராகவும் பணியாற்றி உள்ளார்.