விஜய் பட நடிகை அபர்ணாதாஸின் திருமணம் விமரிசையாக நடைபெற்றது. விஜய் நடித்த 'பீஸ்ட்' மற்றும் கவினுடன் 'டாடா' ஆகிய படங்களில் நடித்து பிரபலமானவர் அபர்ணா தாஸ். 'மஞ்சுமெல் பாய்ஸ்' நடிகர் தீபக் பரம்போலுடன் 'மனோகரன்' என்ற படத்தில் நடித்தபோது இருவரும் காதலிக்க தொடங்கினர். இவர்களது திருமணம் கேரள மாநிலம் வடக்கஞ்சேரியில் விமரிசையாக நடைபெற்றது. முன்னதாக, திருமணத்துக்கு முந்தைய நிகழ்ச்சியான நலுங்கு வைக்கும் விழா நேற்று முன் தினம் நடைபெற்றது. அப்போது, அவர் ஸ்டைலாக கண்ணாடி அணிந்தபடி குடும்பத்தினருடன் நடனமாடி அசத்தினார்.