ராமநாதபுரம் பகுதியை சேர்ந்த ஒரு பெண்ணும் ஒரு ஆணும் புத்தேந்தல் ரயில்வே கேட் அருகில் உள்ள காட்டுப் பகுதியில் தனிமையில் இருந்ததாக கூறப்படுகிறது. அப்போது அங்கு சென்ற 4 பேர் கொண்ட கும்பல், அவர்களிடம் வாக்குவாதத்தில் ஈடுபட்டு காதலனை அடித்து துன்புறுத்தி, அந்தப் பெண்ணை பாலியல் வன்கொடுமை செய்ததாக தெரிகிறது. இது குறித்து தகவல் அறிந்த போலீசார், புத்தேந்தல் கிராமத்தைச் சேர்ந்த அந்த 4 பேரையும் பிடித்து ராமநாதபுரம் மகளிர் காவல் நிலையத்துக்கு கொண்டு வந்தனர். அங்கு மாவட்ட காவல் கண்காணிப்பாளர் சந்திஷ் தலைமையில் 5 மணி நேரத்திற்கும் மேலாக தீவிர விசாரணை நடந்து வருகிறது. சென்னை அண்ணா பல்கலைக்கழக மாணவி பாலியல் வன்கொடுமை சம்பவம் நடந்து தமிழகத்தில் பெரும் சர்ச்சையை ஏற்படுத்தி உள்ள சூழலில், ராமநாதபுரத்திலும் நடந்துள்ள சம்பவம் பெரும் பரபரப்பை ஏற்படுத்தி உள்ளது.