சென்னை மாநகராட்சிக்குட்பட்ட வாக்குச்சாவடி தொடர்பாக மார்ச் 2ஆம் தேதி அனைத்துக்கட்சி கூட்டம் நடைபெறும் என மாநகராட்சி ஆணையர் பிரகாஷ் தெரிவித்துள்ளார். சென்னையில் வரைவு வாக்குச்சாவடி பட்டியலை வெளியிட்ட பின், செய்தியாளர்களை சந்தித்த அவர், சென்னையில் மொத்தம் 5 ஆயிரத்து 759 வாக்குச் சாவடிகள் உருவாக்கப் பட்டுள்ளதாகவும், இது கடந்த தேர்தலை விட 45 வாக்குச்சாவடி அதிகம் என கூறினார். மேலும் அனைத்துக்கட்சி கூட்டத்திற்கு பின் மார்ச் 6ஆம் தேதி இறுதி வாக்குச்சாவடி பட்டியல் வெளியிடப்படும் என்றும் தெரிவித்தார்.