உலகக்கோப்பை தொடரில் வருகிற 8ஆம் தேதி சேப்பாக்கம் மைதானத்தில் இந்திய அணி ஆஸ்திரேலிய அணியை எதிர்கொள்கிறது. இதேபோல, வரும் 13, 18, 23, 27ஆம் தேதிகளில் சேப்பாக்கம் மைதானத்தில் போட்டிகள் நடைபெற உள்ளதால், இந்த ஐந்து நாட்களில், பகல் 12 மணி முதல் இரவு 10 மணி வரை போக்குவரத்து மாற்றம் செய்யப்பட்டுள்ளது. அதன்படி, விக்டோரியா ஹாஸ்டல் ரோடு, பெல்ஸ் சாலை, பாரதி சாலை, வாலாஜா சாலையில் போக்குவரத்து மாற்றம் செய்யப்பட்டுள்ளது. குறிப்பாக அண்ணா சாலையில் இருந்து வாலாஜா சாலை வரும் வாகனங்களும், போர் நினைவு சின்னம் மற்றும் காந்தி சிலை வழியாக வரும் வாகனங்களும் திருப்பி விடப்படும் என காவல்துறை தரப்பில் தெரிவிக்கப்பட்டுள்ளது.