சிறுகனூர் அருகே திருப்பட்டூரை சேர்ந்த பழனிமுருகன் என்பவர் நடந்து சென்றபோது நாய் துரத்தியதால் சீனிவாசன் என்பவரது வீட்டு திண்ணையில் ஓடி ஒளிந்துள்ளார். அப்போது சீனிவாசன் மனைவி தேன்மொழி வெளியே வந்து பார்த்தபோது பழனி முருகன் திண்ணையில் அமர்ந்திருந்தார். இதனால் சந்தேகம் அடைந்த சீனிவாசனுக்கும் அவரது மனைவி தேன்மொழிக்கும் இடையே தகராறு ஏற்பட்டதாக கூறப்படுகிறது.

இதற்கு காரணம் பழனிமுருகன்தானே என்று ஆத்திரமடைந்த கணவன் மனைவி இருவரும் அவரை அரிவாளால் சரமாரியாக வெட்டினர்.

இந்த சம்பவம் குறித்த புகாரின் பேரில் கணவன் மனைவி மீது கொலை முயற்சி வழக்கு பதிவு செய்த போலீசார் இருவரையும் கைது செய்து சிறையில் அடைத்தனர்.